Gare and Mahabharatham - తింటే గారెలు తినాలి - వింటే భారతం వినాలి

 *🍀తింటే గారెలు తినాలి🍀*

*వింటే భారతం వినాలి*

అని పెద్దలు ఎందుకు అన్నారు?

*"యదిహాస్తి తదన్యత్ర యన్నేహాస్తి న తత్క్వచిత్"* - "ఇందులో ఏది ఉందో అదే ఎక్కడైనా ఉంది. ఇందులో లేనిది మరెక్కడా లేదు" అని ప్రశస్తి.

“ దీనిని ధర్మ తత్త్వజ్ఞులు ధర్మశాస్త్రమనీ, ఆధ్యాత్మవిదులు వేదాంతమనీ, నీతి విచక్షణులు నీతి శాస్త్రమనీ, కవులు మహాకావ్యమనీ అంటారు. లాక్షణికులు సర్వ లక్షణ సంగ్రహమనీ, ఐతిహాసికులు ఇతిహాసమనీ, పౌరాణికులు బహుపురాణ సముచ్ఛయమనీ కొనియాడుతారు. వివిధ తత్త్వవేది, విష్ణు సన్నిభుడు అయిన వేదవ్యాసుడు దీనిని విశ్వజనీనమయ్యేలా సృజించాడు. ”

మహాభారత గాథను *వ్యాసుడు ప్రప్రథమంగా తన శిష్యుడైన వైశంపాయనుడి* చేత సర్పయాగం చేయించేటపుడు *జనమేజయ మహారాజుకి చెప్పించగా*, అదే కావ్యాన్ని తరువాత *నైమిశారణ్యంలో శౌనక మహర్షి సత్రయాగము చేయుచున్నప్పుడు సూతమహర్షి అక్కడకు వచ్చిన ఋషులకు* చెప్పాడు.

*వింటే భారతం వినాలి తింటే గారెలే(మినప వడలు) తినాలి.*

*మినుము శరీరానికి ఇనుము.*

*భారతం మనసుకు బలము.*

ఇన్ని వంటకాలుండగా *గారెలతోనే ఎందుకు పోల్చారంటే.*

గారెలు మహా వంటకం.

భారతం మహా గ్రంధం.

*గారెలను ఏ కాంబినేషన్ (పచ్చడి) తో ఐనా తినచ్చు. విడిగా నైనా తినచ్చు.*

*అల్లం పచ్చడి, కొబ్బరి పచ్చడి, రసం, సాంబారు, పెరుగు,చెరుకు పానకం ఇలా దేనితో తిన్నా బావుంటుంది.*

*న్యూడిల్స్ తినాలంటే సాస్ తోనే తినాలి.*

*బిర్యానీ తినాలంటే సెరువా తోనే తినాలి.*

*పూరి ఆలుగడ్డ కూర తోనే తినాలి*

ఇలా *గారెలకు ప్రత్యేకమైనా కాంబినేషన్ అవసరం లేదు.*

*భారత కధ ప్రతీ ఇంటి కధ.*

*ప్రతీ మనిషి వ్యధ, రొద,సొద.*

*ఆపదలనుండి కాపాడే సుపధ*

*ధర్మాన్ని కాపాడే గాథ.*

దీనిలోని భాగాలకు పర్వాలు(చాప్టర్స్18)

అని పిలిచారు

18 భాగాలను మహాభారతం జయగ్రంధం అని పిలిచారు. పెను *చెరకుగడతో పోల్చారు. పర్వము అంటే చెరకు కణుపు.* 18 కణుపులు (పర్వములు) కలిగిన 

పెద్ద చెరకుగడ. 

*మంచి చెరకును ఏ మూల నుండైనా మధ్యలోనుండి, చివరి నుండి ఎలా కొరికినా* నములుతున్న కొద్దీ రసం నోటిలోకి వచ్చి, నోరు తీపి ఎక్కుతుంది. అలాగే భారతాన్ని చదివిన కొద్దీ *జ్ఞానం పెరుగుతుంది.*

సమయాన్ని బట్టి మరికొన్ని విశేషాలు ప్రస్తావించుకుందాం